Skip to main content

Premier League vs Inkhawm



Thenkhat tan chuan Zu leh damdawite, sum leh nula te hi an chaklohna a ni. Kei erawh chu Football hi Pathian ka biak min tibuaitu a ni thin.  Kohhran Inkhawm pawimawh Inrinni zan leh Pathian ni zanah hian English Premier League khelh a ni thin. Mizoramah pawh kan buaipui a, kan atchilh a, inkhawm a awm lai chiah chiah hian inkhel hmuhnawm a awm thin bawk si a.

Football atchilh



Ka naupan tet ata Football en nasa ka ni a, TV-ah chauh lo pawh kan veng field-a tlangval tlai practice mai mai pawh en zo thak thak peih ka ni thin. English Premier League chu hmuhnawm ka tih tur zia chu min hriatthiam pui ngei ang le.

Ka nu leh pa hian Inrinni zan leh Pathian ni zan hi inkhawm ngei ngei turin min tir chhuak thin, kan damlote a nih loh chuan.  A chang chuan ka tlan bova, thiante inah te inkhel ka en a, a chang chuan ka damlo der thin. Tin, Pathin ni nileng, Sunday School, KTP Fellowship leh chawhnua  Youth for Christ inkhawmte ka attend hi chuan mahni inthiamna ka nei a, zan lam hi Balance ka nei ka inti a, ngaihtha takin zanlam inkhawm hi ka awl thin.

Inrinni zan leh Pathian ni zan apiangin ka tlanbo ka tihna a ni lo, Big match a awm erawh hi chuan ka tlanbo ngei ngei tih ka pha lo. Hetia thlahdah taka Pathian ka zui lai hian a ni erawh chuan rinawm takin min enkawl si a.

Football vanga ka buaina

Tichuan nikum kum chanve vel khan keimahah hian thu pakhat a rawn lut a, "Lal Isua nge i duh Football ?" tih hi a ni. Ka thinlungah a ri tluk tluk a.  Thenkhat chuan Lal Isua aiin Zu te, Drugs te, pawisa te an thlang, sual a ni e. Hetih lai hian kei pawhin Lal Isua aiin Football ka thlang. Ka tan chuan sual a ni. Tupawh a Pathian aia thildang ngaihpawimawh a neih chuan chu chu atan chuan sual a ni tih hi hla pakhatah ka ngaithla bawk nen. Rilru buai takin nikum chhungzawng kha ka hmang thin.

Thil ho tak a ni maithei midang tan chuan, Football avanga Lal Isua lo then chu leh.. te pawh an ti ang. Keipawhin Sum hmanga Lal Isua hralh ho hi Mawl ka ti ve tho asin. Chutiang zelin. Heta chiang tak chu harsatna eng pawh, a te ber thlengin, a phurtu tan chuan rit tak a ni. Harsatna ho ber a awm chuang lo, tih hi a ni.

2012 a rawn thleng a, theih tawkin Isua aia Football ka lo dah sanna chu ka tihniam tial tial ta a. Tihdan thar tha tak ka nei ta. Inkhawm laia inkhel awm ho hi ka capture hlawm a, tichuan inkhawm zawhah ka en leh ta mai zel a. A tha ka ti khawp mai.

Football aiin Lal Isua a hmasa tur a ni.

Hei English Premier League 2012-13 Season tan a ni leh ta.  Tun season atang chuan Football aiin Lal Isua ka dah hmasa zel tawh dawn tih hi ka sawi a ni.  Ka inkhawm hmasa phawt anga, eng anga very very very BIG Match pawh awm mahse inkhawm banah ka en leh mai ang. Inkhawm lova inkhel en te, a goal laiin nasa takin lo au mahse eng atanmah ka ngai lovang. A chhan chu Football khel thiam zawng zawng siamtu biain hun ka hmang a, ka thinlung chu a lamah chauh a awm tur a ni. Hetia Football aia Isua ka thlan avang hian Inrinni zan leh Pathian ni zan zawng zawng ka inkhawm kim vek ang ka ti lo. Ka dama Pathian in rem atih chuan ka inkhawm zel ang ka ti zawk.

Engvanga Isua dah hmasa zawk tur nge ka nih ?

Engvang ngawt chuan nge Lal Isua aia Football ka dah hmasak zawk ang ? tih ka zawt let ve e. Ka fel vang leh ka intih Pathian thu awih vanga dah hmasa tur  ka ni lo. Ka dah hmasak na chhan tur chu hei hi a ni.

Footballer ka ngaihsan tak takte hian eng thil ropui chu nge an tih ? Mawi tak takin an khalh a, mawi takin an pet goal a. Goal thun theihna pawh ni lovahte goal ropui tak takte ankhung. An team chaklo tur te an chakpui bawk a. An va ropui tak em.

A nih leh ka Pathian hian eng thil ropui nge a tih ?  Ele.. Khang Footballer ropui tak takte kha a siam an ni asin. A ni chuan lei leh van a kain a thaw chhuak a. Van thengrenga arsi zawng zawng kan hriat phak bak zawng zawngte khi A ni chuan a thua a siam an ni asin.

A nih leh Pathian chuan heng footballer ropui tak takte hnenah hian tanpui a dil tawh thin em ? Nilo nilo.. chutiang a ni lo. Heng Footballer ropui  tak tak kan tihte hian Pathian hnenah tanpui an dil zawk thin alawm.

A nih leh Heng Footballer ropui tak takte hian an goal thun avang emaw an team an chakpui avang emawin mi 10 tal nunna an chhanhim ve tawh em ??  Pakhat pawh an chhanhim dawn emmaw chu le. Kan Pathian erawh hi chuan keini khawvela mihring zawng zawngte thih ai a thi a, nunna kawng min hawn sak asin.

A nih heng tlemte ka tarlan atang hian tunge ROPUI zawk chu ? Football nge Pathian ??

Kan Pathian hi a ropui fe zawk avangin kei chuan ka dah hmasa zel dawn a ni.

Comments

  1. ehemmms... misual velah lo paws la .. hnial ka chak deuh..noi..
    inkhawm chauh hi emaw pathian dah hmasakna i ti deuh in a lang tlats.. in khel i en lai reng pawh khan i thin lung chungrilah pathian a dah hmasak theih a sin..

    ReplyDelete

Post a Comment

Popular posts from this blog

Lee Bowyer vs Kieron Dyer

April ni 2, 2005 a ni a, St. James' Park-ah Newcastle United chuan Aston Villa an mikhual a, 3-0 laiin mual neitu an tlawm mek, handball avangin Steven Taylor hlawhchhuah a ni bawk.

Hun a tawp tep, minute 9 a la awm, Lee Bowyer leh Kieron Dyer te chu an insual ta riap riap mai le, Newcastle-a an team-mate ten an thelh bakah Villa player te pawhin an insual hi an thelh hial. Referee chuan anni pahnih chu a hnawtchhuak ta a.

An insual chhan tak a hnua an sawi dan chuan ball an in-pass duh loh vang a lo ni a, kha thil thleng kha football-ah chuan a dangdai hle a, vawiin thleng hian sawi a la hlawh a ni.

Player tha fal tak awm mahse mahni chauhva khelh theih a nih loh avangin field chhunga player 11 te chu tha taka an thawhho a ngai. Thawhhona tha an neih loh chuan hnehna an chang thei ngai lo a ni.

Winger-in cross duh miah lovin amahin shot vak vak se striker te tan chuan a huatthlala khawp ang. Chutiang bawkin defender leh goalkeeper te chuan mahnia khalh tlang tum zel selang; game…

Mi hi hmusit ngawt thei kan ni em?

Vawi khat chu lehkha pawimawh pein in pakhatah ka lut a, pa ber chuan an fapa naupang zawk chu a la hau mek. "I nu leh pain hna kan thawk ve ve, i duh duhna hmunah pawh i zir thei, sang tak zir turin kan duh che a, i mamawh chu kan pe vek chein kan hria, mahse hei enge i rawn zirchhuah hi? Degree pawh nei lovin hei nileng lengin game i khel a, i u hi chuan kan thu a awih a, tunah chuan dortor niin hlawh tam tak a nei tawh a nih hi, nang ve chu," a lo ti mawlh mawlh a. Lehkha ka pek zawh chuan ka chhuak lehnghal vat a.

Chumi tuk chu inrinni a ni a, chhungte in sa ka pui a, chhunah thingpui in chawlh kan hmang. Hnathawk ho nen chuan kan inrual tlang, kan thu hova, kan titi malh malh a. Labour hna chu a hahthlak thu leh security tha ve deuha thawh an chak thu an sawi liam liam. Pakhat chuan, "Pawl 12 thleng lehkha ka zir, Accountancy te leh Company Accounts te kha chu a thiam ber ka ni thin kan class-ah kha chuan. Company Secretary te kha zir zawm ka tum ve nasa, migratio…

Football manager leh player te inkungkaihna

Football manager-te hi club chhungah chuan an thu thin hle a, game an khelh dan tur zawng zawng an ruahman thin bakah club thenkhatah chuan player transfer chungchangah pawh thuneihna an nei thin bawk. Club thenkhatah chuan manager te hian nipui bazara player an duhzawng an sawi a, chung player te chu club hotuten lak tumin theihtawp an chhuah thin.

Football manager hna chungchang hi ram a hrang angin tihdan pawh a hrang ve deuh thin a. England-ah chuan manager te hi club enkawlna kawnga a fung pawimawh tak chelhtu an nih thin laiin ram dangah erawh manager ni lovin football coach pangngai angin an inchhawr mai a, team an practice pui a, game khelh dan tur an ruahman leh a, football game chungchangah chauh an thu a ni deuh mai.

England-ah chuan football manager te hi an thu thin khawp a, team management zawng zawng an buaipui bawk a, player zingah hmasawn lo leh an thawhpui theih lohte chu an thehchhuak hmiah hmiah thei bawk. Player te pawhin team-a tel ve ziah an duh a nih chuan man…